МАТЕМАТИЧКА КОНСТРУКЦИЈА НА 3-D ХЕЛИОТЕХНИЧКИ ОПТИМАЛЕН КОЛЕКТОРСКИ СИСТЕМ СО УНИФОРМНА ОСВЕТЛЕНОСТ

Abstract

Забрзаниот развој во поново време на директното претворање на сончевата енергија во електрична енергија и откривањето на нови фотоелементи бараат нова конструкција на колекторите на сончевата енергија, при што традиционалните параболични концентратори нема да бидат доминантни.

Во овој труд се формира системот диференцијални равенки (1), (2), (3), кои обезбедуваат униформна концентрација врз апсорберот и нормален упад на зраците врз апсорберот, при што во хелиотехничкиот систем и огледалото и апсорберот се ротациони површини. Бидејќи интегралната равенка (11), која има нормална форма (11'), не е погодна за анализа и изведување на решението, најнапред е потребно да се утврди постоењето на аналитичко решение. Еквивалентниот систем (13) и соодветната равенка (14) овозможуваат аналитичко решение (20), кое може да послужи како основа за добивање различни нумерички решенија во зависност од концентрацијата \(K\) и техничките услови при конструкцијата на хелиотехничкиот систем.